超蓮早前在中環做訪問時消瘦了不少,宅在家沒事忙竟然越來越瘦?「可能媽咪整嘅嘢食太健康,所以瘦咗。我每朝早都陪媽咪食早餐,做吓運動、拉吓筋;下午就一係煲劇,一係打機。」超蓮訪問期間,拎住Samsung Galaxy ZFlip新摺機玩自拍,原來她煲劇、打機全部用手機,「平時唔興煲劇,呢排煲咗好多,《Kingdom》(屍戰朝鮮)好好睇呀,我兩日煲晒,我唔驚血腥但我驚鬼,同埋我唔睇得大屏幕,太驚喇!」她更自爆中了game毒,「我從來未試過玩網上遊戲,以前都係玩嗰啲數獨呀、candy crush呀,所以一開始咗,就好鬼addicted。個game叫《忍者必須死》,死喇,講咗添,我好驚大家知我玩緊,但真係好好玩,佢係育成遊戲,個忍者要升級,咁一路升級,你就會越嚟越勁。」越講越開心,「其實個人只留喺一個空間,壓抑住,係好容易有情緒病,大家要睇啲笑片呀、同朋友傾吓電話咁,等你心情冇咁易憂鬱,都好重要。」時刻記住她所創的慈善組織Smile with us HK的核心宗旨:快樂。
何超蓮近月出家門主要為去醫院探賭王,每次只會短暫逗留15分鐘,日日宅在家,遙控Smile with us HK及生意運作。別人眼中的她,經常開心大笑,修養極佳,絕少發脾氣或鬧人,超蓮剖白自己只有對住家人(尤其弟弟何猷啟),才會真性情爆發,「我覺得我情商幾高嘅,我唔會歇斯底里咁爆,係好金牛座嘅人,一路好平穩,唔會有好多up and down,但就唔好觸碰到我嘅底線囉,一掂到我嘅底線呢,我唔會癲,但我會turn away,我唔會畀任何機會你,我會走,一刀切!」