中港交鋒，港隊鬥志高昂，中國隊久攻不下，結果有人發爛渣，開口鬧港隊門將葉鴻輝係狗。此人，就係中國隊隊長鄭智。不過今日鄭智接受大陸傳媒新浪體育訪問時就話，當時只是上前叫葉鴻輝起身繼續作賽，更指葉鴻輝詐傷倒地，拖延時間，是違反體育道德的行為。(新聞連結: http://bit.ly/1O1GlcI )

葉鴻輝今日返港時，就代鄭智解釋話係一時意氣鬧佢，點知鄭智調番轉頭指摘係葉鴻輝不是，真箇令人眼界大開。更令人看傻了眼還包括大陸網民歸咎天氣，錯選深圳作賽，仲話「奈何港足太邪門！」……其實不如話埋噚日塊地都OK硬0架。(新聞連結: http://bit.ly/1PPuWuV )

李綺雯(0靚妹)今日喺微博及ig轉貼鄭智鬧葉鴻輝係「狗」之報道，hashtag係:「那位#中港大戰#進不了球的#中國足球隊隊長#鄭智#賽後罵#香港守門員#葉鴻輝#是狗」再配上滴汗同兩個代表鄙視的emoji，大陸網民自是群起攻之，又鬧港獨又鬧港隊乜乜物物，奇怪的是，咦，今午呢則微博，唔見咗嘅？唔通係李綺雯「自我河蟹」？

問李綺雯問點解？佢話﹕「我都唔知點解喎？！」唔係自己刪？佢話﹕「唔係呀！」咁即係……「被消失」？李綺雯話﹕「係呀。」

李綺雯續道:「我都唔知幾時冇咗，應該係有用戶向新浪投訴。」睇番李綺雯個hashtag，邊度有「消音」之必要呢？唔通係佢唔小心洩露國家機密？

好彩李綺雯另一個微博po，講港隊0:0迫和中國隊，呢個po暫時未被投訴，但大陸網民繼續上綱上線，例如話:「你那天去香港經歷一下，你說不來粵語只對他們說普通話，那你看你會不會歧視？看你會不會被當成蝗蟲？」留意番，一來，呢個point同個po無關，二來，台灣旅客都講國語，點解獨獨有些人自覺受歧視？都係人哋有問題？而自己就冇？

0靚妹李綺雯即於微博回應該大陸網民謂:「你不要胡說吧，不是每個香港人都一樣。」該網民又回覆:「我講白話的！為什麼要獨立啊，好傷心的!」李綺雯再覆:「甚麼時候說過要獨立呀!」

0靚妹好波！