自從富士車廠奪得2001年度世界越野車賽冠軍之後，近期聲勢不絕；亞Mark聽聞廠方除會有多款特別版型號推出外，佢哋嗰部響本土及北美市場均見有唔錯銷量嘅Forester，會響嚟緊2月上旬推出全新第2代車系。新車除尺碼較舊有型號稍增之餘，車身造型亦會較前成熟富剛勁感，好有新一代城市SUV車嘅味道。另外，新款Forester會以一台全新調校嘅2.0公升水平對向四汽缸偈作主打，並會有高性能嘅Turbo款式，當然唔少得重有一套恒式四驅裝置啦！之不過，聽聞新車快者都要4月左右才會到港，若然各位係Forester嘅車迷，就要耐心多等一會喇。