吳業坤下月隨團採訪東奧 遭取笑睇游水比賽睇泳裝
吳業坤東京奧運姚焯菲
吳業坤結束日本工作假期後,今日出席商場舉辦的音樂會,他自從2019年後直至今次才面對觀眾表演,自言感覺特別,期待儲夠歌開騷。稍後他會隨團採訪東京奧運,預計下月出發,逗留一個月,跟日本通周奕瑋採訪比賽場地及運動員,因他有學空手道,希望有機會欣賞有關賽事,被笑指他會欣賞游水比賽睇泳裝,他即說:「我唔睇一件頭㗎!」
坤哥初入行時經常被指毒男,近日他睇完《聲夢傳奇》的14歲歌手姚焯菲,獲對方批准他做歌迷會會長,坤哥順勢表示:「呢個歌迷會只可以我一個人,其他人要50萬會藉,仲要得我批准。」有網民不滿,亦有人封他做「痴漢坤」,他說:「係啦,唔敢再講,公司同事都叫我唔好咁變態,其實好小事留個言啫!」
他最近再多一個稱呼叫「痴漢坤」,他說有公司同事提醒:「叫我唔好咁變態。」
-----------------------------