筆者睇賽馬節目，很多時靜音或聽英語，唯一廣東話聽聲，就是官方網上直鏡重溫，幾位主持不時作出一些風趣又到肉的評述。

剛周三（4日）尾場潘頓騎「美麗躍動」埋門幾步被雷神「緣色勇駿」搶了第二，評論員大致講潘頓都無跑錯。

但拉士畀頭馬「非凡品味」彈甩後就打兩下、停一停，旁邊拍檔已經忍唔住笑，跟住主持打個圓場，話可能我哋見隔籬騎師比較落力吧！

馬會邏輯影片評述，個人認為有點似賽馬版《頭條新聞》，至於主持們嘻笑怒罵的主角，印象中不只一次是潘頓。

印象較深刻的包括早輪又係谷草夜馬尾場，拉士出奇地甩韁繩跑到P都無的全熱門「晨曦飛馬」！

馬迷不會要求騎師夾硬死打隻馬，但總希望可以盡力而為，輸咗感覺都會好點。

利敬國並無頂級走位及韁繩造詣，但有拼命三郎鬥志，加上本身算騎到輕磅馬，贏得不少練馬師歡心。

周日（8日）利敬國再獲上次以晨操姿態贏田草1000米的「日日精彩」帥權。

以這匹灰馬近次贏馬表現指數不斷破頂，新近錄得的更屬第四場一班1200米草地最高，幾匹主要對手還要明顯讓牠磅，「日日精彩」三連捷呼聲高唱。

另外，頭場五班1400米草地，「錶之精靈」剛戰跑四班田草1600米，遇上不利前置的賽事形勢快放，也不過輸兩乘多。

今次落班唞夠才跑兼縮程，換上有磅減並一味靠放的陳嘉熙，越睇越似樣。

--------------
曾犯天條必入「黑名單」？華將洋將結局大不同！想知咩事要睇【馬上看經典】
-------------
馬匹賽績、騎練數據、名家貼士
【最強贏錢武器 盡在蘋果馬網】刨馬撳呢度
------------------
【武漢肺炎】專頁 全民自救 抗疫資訊盡在《蘋果》