【估你唔到】姚本輝有項盃賽數據 上名率近九成極誇張！
蘋果日報 2019/07/18 13:45
盃賽姚本輝
香港賽馬每逢提到盃賽，大家都第一時間諗起大摩及蔡約翰等大倉，不過練馬師姚本輝上季在盃賽亦取得不俗成績，尤其熱門馬在盃賽上名率更接近九成，反映練者「熱」愛捧盃。
姚本輝上季在盃賽出馬61次，取得九勝十一位，雖然頭馬數字不及大摩及蔡約翰，不過他的馬跑盃賽勝出率達17.6%，竟能與大摩睇齊，同屬各馬房之冠，而上名率亦接近四成。
值得一提，姚本輝上季盃賽列陣馬，共有17駒賠率屬十倍以下，交出八勝七位，只得兩駒唔上名，上名率88.2%極高，其中「鑽得勁」兩次跑盃賽皆捧成熱門勝出，可見呢個馬房之馬在盃賽如有強勁票數支持，多數有計。
除此之外，蔡約翰及大摩在上季各贏16項錦標，其中大摩與潘頓在盃賽合作十七次，取得十二勝兩位佳績，當然一匹「美麗傳承」已佔八Win，不過整體來說確實成績甚佳。此外，潘頓與蘇保羅上季兩匹盃賽合作馬「健快聯盟 」及「一定賺」均非冠即亞，所以新季摩及蘇廐馬用潘頓爭盃，點都要睇實。