韓劇《太陽的後裔》女星宋慧喬與老公宋仲基嘅同門師弟朴寶劍日前起程到古巴拍攝tvN新劇《男朋友》，兩人抵達當地即投入拍攝工作，仲不時被網民捕獲。

繼日前二人被拍得喺街頭拍攝後，今日又繼續有新相流出，喬妹繼續着住紅裙喺街頭拍攝，不過唔知當地太曬定落雨關係，見現場有工作人員用遮陣圍住喬妹。至於朴寶劍則被拍得坐喺度睇風景，佢個姿勢仲相當有型，好有詩情畫意感覺，唔知係劇情需要定係佢自己想欣賞眼前美景，拍照嘅網民指因為路過時影咗一張相，點知就被佢發現原來左面嘅就係朴寶劍。

另外，有一名韓國人喺古巴旅行最後一天就遇見劇組開工，佢笑言因為自己係韓國人關係，所以最終順利獲得兩位主角嘅簽名。

精選韓流，喺晒《娛果》
http://fb.com/appledailyent