佘詩曼之前同無綫有份嘅翡翠東方(TVBC)簽咗兩年,原本希望開拓內地市場,但公司做唔到佢想做嘅嘢,阿佘決心離巢後成立自己工作室。估唔到唔使一個月,阿佘已經有機會返內地接真人騷節目《星廚駕到3》。
阿佘向來都係女強人,要落廚煮飯真係有啲「喱hea」,劏魚竟然忘記打魚麟,最終搞到被魚鰭刺傷流血;洗雞胗(即雞胃部)時,又因為有食物末消化食物而發出臭味,搞到阿佘當場反胃,真係有啲雞手鴨腳。雖然好多蝦碌,不過阿佘都遺傳咗媽咪嘅廚藝天份,喺調味方面都掌握得唔錯,所以最終煮出嚟嘅食物都唔算太差。阿佘被讚可以做賢妻,佢一臉自信話﹕「這一面我一直也潛藏,不過未有節目給我展現,的確我媽媽廚藝非常了得的,我當然會有點著數。」