中國足協，你太年輕了。你以為這個聯賽上真的有那麼多球隊遵從你的規矩？其實都是一夥合謀的，不然我換個id把轉會消息給你看。所謂「上有政策，下有對策」，中國足協上月引入「引援調節費用」新政，規定各級中國聯賽球會一旦以超過4,500萬人民幣轉會費收購外援，超額費用就要以1:1形式向中國足球發展基金會繳交「引援調節費用」，協助中國足球發展。不過，繼穆里奇自由身加盟廣州恒大，另外兩支中超豪門天津權健同江蘇蘇寧齊齊出手買前鋒，點解一樣唔使「課金」？

首先講吓江蘇蘇寧，效力法甲羅連安特嘅喀麥隆國腳前鋒莫簡祖周三已經飛抵南京，仲喺機場高舉蘇寧頸巾接受球迷歡迎，睇嚟加盟只係時間問題。呢位去季法甲上陣25場射入13球嘅28歲前鋒，據報轉會費達550萬歐元，兌番人仔咁啱係4,300萬左右，算死草唔使畀錢益足協了！蘇寧周四亦正式宣佈莫簡祖來投。

之後輪到權健同德甲科隆前鋒莫迪斯迪嘅「姻緣」傳足成個夏天，上月有傳科隆不滿權健支付轉會費方式而導致談判破裂，最終科隆周三終於喺社交網站宣佈，呢位去季德甲射入25球排射手榜第3位嘅29歲法國前鋒正式轉投權健，亦令港腳基藍馬多一位星級隊友。堂堂德甲「銅靴」，點會平得過4,500萬人仔？答案就係權健以「先借後買」方式，先支付600萬歐元借用兩年，加上2,900萬歐元嘅收購條款。計番600萬歐元就係4,500萬人仔左右，就算足協一口咬定借用費都當轉會費咁計，權健都幾乎零額外開支，真係精甩尾囉。