當年今日
關於我們

R1即場賠率啟示|「勁飛聖」不乏支持票 「電訊飛彈」屬抵博類型

蘋果日報 2021/06/02 23:26

即場賠率啟示勁飛聖電訊飛彈

第一場第五班1000米:「勁飛聖」前仗贏同程,終於打開今季勝利之門。
上場跑谷草1200米唔合適,今晚(2日)重返贏馬路程兼重配贏馬拍檔巴度上陣,機會又回來了,始終呢匹馬跑1000米最準。
昨日(1日)開飛6.5倍,5點企住6.5倍,現時6倍W,2.1倍位置。
呢匹馬次次隔夜飛都好重,今場又係咁,有墊底飛支持,睇飛今場可以闖入三甲。
「電訊飛彈」今場係轉到方嘉柏馬房後初出,即配莫雷拉上陣,心意好明顯想贏馬交代。
再加上練馬師現時爭逐緊冠軍練馬師寶座,所以每一場頭馬都非常緊要。
昨日開飛4.9倍,5點回上5.9倍,現時落到4.7倍W,2.1倍位置。
empty
電訊飛彈打王牌列陣頭場
早飛唔算太勁,但相信臨場應該會有一浸飛再落。
呢匹馬季內初出跑田草短途有板有眼,今場轉廐後初出跑谷草最短途,應該合適。
今次賽前仲特登試埋快活谷草閘,動態明顯,今場應可一擊即中,現時呢個賠率係絕對抵博。
「中華精神」季內贏過同程,近幾仗跑泥地表現一般,今場重跑勝程兼重配贏馬拍檔田泰安出賽,係時候重響勝鼓。
昨日開飛7.4倍,5點落到6.4倍,現時企住6.7倍W,2.3倍位置。
有墊底飛支持,始終呢匹馬識贏同程,排位有利,入三甲唔難 。
「大當家」今季只跑六次,全數跑谷草1000米,整體表現平穩。
馬匹評分已由季初43分減到今場35分,今場係轉馬房初出,即報跑呢匹馬嘅首本路程,配薛恩上陣,冷味十足。
昨日開飛13倍,5點落到8.6倍,現時進一步落到6.8倍W,2.1倍位置。
估唔到早飛咁勁,賽前馬匹備戰有試快活谷草閘,睇動態相信馬房都好想轉倉後即交出成績,今場可以畀一票佢。
提供:11勁飛聖、10電訊飛彈、9中華精神、8大當家
-----------------------------
借錢點先可以賺到盡?
借錢點先可以賺到盡?梗係要現金回贈越多越好啦!只要喺 2021年4月1日至2021年6月30日期間首次提取貸款,可即場獲獎賞現金高達港幣$5,000 ▲!
利用轉數快,足不出戶就完成手續,仲可以實現貸款瞬間過數^,星期日都照批★!。
立即申請:https://bit.ly/2ANcJlS
推廣期由2021年4月1日至2021年6月30日 (包括首尾兩天)
須受條款及細則約束,詳情留意邦民日本財務(香港)網頁。
忠告:借錢梗要還,咪俾錢中介
放債人牌照號碼:1328/2020
查詢及投訴熱線:3199 1199