名模蔣怡(Coco)前晚與男友翁狄森到尖沙嘴出席《標殺令2》首映禮,昨日她則在尖沙嘴海洋中心為黛安芬示範新內衣系列。
穿內衣叫價高
同場的外籍女模特兒示範多套性感喱士胸圍、幼帶內褲,蔣怡則獲特別優待,可加穿背心、短裙、長褲,遮遮掩掩示範,不過Coco落力擺出誘人甫士。Coco表示獲品牌贊助多年,問她可會只穿內衣出場,她說:「都會有機會,不過就好貴囉!幾貴?我一向唔知自己收幾多錢,都係公司去傾。」
男友專送內衣
Coco表示平日會買性感內衣,增加情趣,她說:「我好多喱士靚內衣,最鍾意喱士、薄身冇pad同白色、粉紅色,不過好少機會着。因為工作關係,我多數都係着黑、白同肉色嘅內衣。男友鍾意我性感,唔介意我行內衣騷,去親旅行都會送一大堆畀我。」
Coco更表示小時候怕買內衣尷尬,入行初期亦不習慣穿T-back內褲,現時她則十分注重內衣,她說:「無論外面着得幾靚,如果內裏霉霉爛爛咁,就大打折扣啦;相反,兩樣都靚就自然有分加。」
採訪:顏英儀 攝影:仇志德