【政治觀點】
從為梁振英站台到加入金發局，李律仁早已被標籤為「梁粉」、建制，至最近他公開表示不認同政府的政治，這位「三十會」召集人不在乎泛民或建制的標籤，著緊的是為香港褔祉做點事。
全國人大常委會昨通過2017年特首選舉框架，下一步要獲得立法會三分之二議員通過。香港面臨如此政治大關，李律仁關心的並非過與不過，而是方法，「如果唔過（即反對），用嘅方法唔係撕裂、唔係流血，唔得只係唔得囉，可能損失一個輕微進步嘅機會，但唔代表代價很大。」

被指為「梁粉」不反感

「如果過係好（夾）硬……提名委員會無民主化到，睇唔到個提名委員會有乜進步，你落唔到台㗎……你好好醜醜嘅都炒碟嘢畀我吖，你連呢個都講唔到，我真係寧願唔過。」李律仁警告，政府「夾硬嚟」會遇更大反彈，「不如話廚房功力有限，今次炒唔到」。
李律仁對被指為建制、「梁粉」並不反感，更拋出莎士比亞名句「What's in a name？That which we call a rose. By any other name would smell as sweet.（名稱有什麼關係呢？玫瑰不叫玫瑰，依然芳香）」
他甚至自嘲，「你話我建制裡面最泛民又得，泛民裡面最建制又得」。
早前公開不認同政府的政治，李律仁並不擔心政治仕途，「老實講，我諗住入政府都唔使呢屆呀（廚房太熱？）都唔係呢個問題，我好鍾意做大律師」。真的不考慮從政？「never say never，但我想像到嘅未來，都係（做）大律師好啲囉！」真不愧為大律師。