18歲巴西卡夫雅冠軍騎師韓偉傑，除了參戰周三晚(6日)快活谷浪琴表國際騎師錦標賽外，還會於周日(10日)沙田國際賽當日上陣。

問：你的名氣開始響亮，會唔會效法莫雷拉、蘇兆輝兩位大師兄，衝出巴西到海外發展？

韓：會，呢個亦係我嘅計劃，香港係我其中一個心儀嘅地方。我之前都聽聞過香港馬圈嘅運作，馬匹質素同場地設施都比巴西優勝，呢一日嚟到沙田馬場終於見識到，我策騎馬匹「好友同心」喺泥地賽道踱步，跑道狀況一流。

問：12月10日嘅國際賽大賽日，據聞你獲練馬師沈集成支持，提供兩匹座騎。

韓：係呀，除了周三晚快活谷頭場「馬主精選」之外，我喺國際賽當日將會策騎沈集成的「歡樂盈盈」同「華麗再現」，並且星期四將會過檔操練。我同沈集成之前並不認識，但佢大力支持我，實在非常感激，我會盡最大努力，交出好成績。