前五屆冠軍練馬師簡炳墀（簡Sir），練馬時可算威盡，他在位時亦培訓出一班得意門生，如葉楚航、徐雨石、丁冠豪等，現時個個都能獨當一面，當然對香港賽馬有很大貢獻。

近期聽到簡Sir因病入院，當然希望祝佢早日康復，而其幾位徒弟亦輪住去探佢，個個都好有心。

講起簡Sir門生之一徐雨石，近期佢手風唔錯，尤其上個月跑八次馬，有七次贏馬，合共取得八Win。

不過石哥來到3月就未開齋，而今期（8日）佢亦佈下強陣出擊，當中第六場四班1400米「爆騷」一定是實力馬之一。

不過如果想揀匹賠率較好分的馬博一博，就要睇住第三場四班1400米「多多利高」。

「多多利高」今季出道跑了兩次，首戰（1月5日）泥地1200米，成為123倍的超級冷門，不過走勢唔似賠率，後上得第六唔差。

所以上仗（2月2日）轉跑田草1200米即有飛數支持，只得13倍，可惜彭國年（已離職）在直路甩韁繩，馬匹騎唔到上來只得第九名。

今次此駒再變陣，增程跑1400米並初戴眼罩，早前（2月18日）由利敬國試泥閘用這配備有好走勢，相信今次用眼罩出擊應有幫助，隨時有驚喜演出唔奇。

撰文：關志彬

--------------
曾犯天條必入「黑名單」？華將洋將結局大不同！想知咩事要睇【馬上看經典】
-------------
馬匹賽績、騎練數據、名家貼士
【最強贏錢武器 盡在蘋果馬網】刨馬撳呢度
------------------
【武漢肺炎】專頁 全民自救 抗疫資訊盡在《蘋果》