李冰冰、周麗淇、郭碧婷等，香港時間噚晚(15號)十時在紐約出席Tory Burch時裝騷。

身穿花裙的李冰冰，影相時不斷叫記者「高炒」她，要令她雙腿睇來長些，十分搞笑。李冰冰大讚新裝靚，又指紐約有很多難忘回憶，令她想起以往在中央公園附近學英文、錄音的日子，及為聯合國演講等，印象難忘。

提到2月14日情人節，李冰冰一臉茫然說，「今天情人節？我都忘記了！」又稱男友許文楠未有同行。那可有買情人節禮物？冰冰豪氣地謂：「我一會去買點東西吧，還來得及吧？」

談工作，指去年有3個多月留在新西蘭拍攝荷李活電影《巨齒鯊》，扮演海洋生物女科學家，長期留在海邊，又凍又辛苦。

周麗淇指情人節同Sa蔡卓妍兩個人一齊食飯慶祝，更笑指兩人「單身狗」，有周刊爆料指她坐長途機時行為冇品，用毛氈墊手袋、洗面又在廁所亂掉膠樽，她呼冤：「我真係冇拎毛氈！我真係冇喺廁所洗面！我好少坐長途機，通常返大陸㗎，我懷疑佢哋認錯人！」