【恥與為伍】迪子新歌踢走撐警大陸rapper 強調：我冇辦法將黑當成白
蘋果日報 2019/09/03 18:47
宿醉迪子徐真真反送中松島
逆權運動遍地開花，網民多次發起和理非活動抗爭，上月着黑衫撐機場集會的歌手迪子，最近推出自己填詞的新歌《宿醉》抒發無力感，據知，這首歌本來是跟大陸rapper徐真真合作，惟因對方早前在微博發表「我支持香港警察，你們可以打我了」的言論，最終迪子跟他割席，改為與日本的rapper MC松島合作。
迪子接受《蘋果》電話訪問表示：「本來換人唔關大家立場事，只係有啲音樂上價值觀唔一樣，前排見到佢呢單新聞，我覺得喺大是大非之下，我冇辦法將黑當成白，其實遲早都有拗撬，所以我覺得都係好事，可能係天意。佢長期住喺內地，唔知佢係咪因為內地睇嘅新聞同香港唔同，佢認為自己睇嘅就啱，唔會再聽人講，其實大家好難合作到。」
由於近月社會運動持續，迪子的情緒都受影響，嚴重失眠，幾乎要每晚飲酒才能入睡；今次跟松島合作，她說：「錄呢首歌嘅時候，啱啱好爆發香港嘅社會運動，松島問候咗我仲為香港加油。其後我收到佢rap嘅歌詞，有幾句我覺得好感動：『累了，就去休息。最重要的是，愛。』」
社會運動持續，迪子情緒受影響，幾乎每晚都要飲酒才能入睡。
迪子新歌《宿醉》踢走大陸撐警rapper徐真真。
新歌改為跟日本的rapper MC松島合作。
迪子坦言冇辦法接受將黑當成白。