翁嘉穗(Virginia)同老公鄔友正今日喺海洋公園出席海馬探知館揭幕禮，今次海馬館由佢哋嘅公司贊助，作為品牌老闆娘，翁嘉穗話:「今次贊助好有意義，因為我哋公司係海馬床褥，所以好有感情，佢哋一提議我哋就應承。」不過對於贊助金額佢就保密。

Virginia表示由細到大都會帶個仔去海洋公園:「我都係由細到大去海洋公園，所以好有感情，係香港人嘅一個icon。」Virginia囝囝依家已經13歲，佢就計劃安排個仔去到美國升學，但就好唔捨得，並會小心揀選學校，費時個仔學壞，依家個仔有感情情都會請教媽咪，Virginia話:「佢講啲唔講啲，亦有問我細個有冇咩經歷，諗住索啲嘢。」此外，提到係咪正同韓星金秀賢洽談合作?佢話:「傾緊，唔會咁快，留返畀marketing同事跟進。」