現年29歲嘅韓國前女團Wonder Girls(WG)隊長先藝，於2013年嫁圈外男友做人妻，並先後於13年及16年誕下囡囡。上月先藝簽約加盟Polaris事務所，原本打算重新展開演藝事業，不過日前卻爆出佢懷第三胎嘅消息，預產期於明年1月。

而先藝今日就喺Instagram發表長文，對於一直以來嘅唔少爭議，包括佢結婚後唔再復出嘅報道，先藝就一一去親自解釋，佢話最大嘅爭議就係佢唔想再返演藝圈呢個話題，佢強調自己從來冇講過唔再復出，指係誤報同誇大。由於因為先藝結婚生B，外界都認為因為佢退出而令到Wonder Girls走上解散之路，亦令先藝受到好多人指摘。

先藝表示可能係因為幾年前喺一個音樂會上，有一名美國記者參與，之後就有唔同嘅報道出來，令佢都大感不是味兒，先藝話咁樣講到佢把佢視之為珍貴嘅Wonder Girls時期全部描述都變成無意義一樣，強調WG時期比任何時候都珍貴，亦都係絕對無法忘記嘅時光，希望大家唔好誤會。

同時先藝亦提及新事務所，佢指公司知道佢懷孕一事，現時工作仍未有具體計劃，但只要有機會就會想帶來好嘅音樂畀大家。最後先藝話：「結婚時看到同埋聽到好多嘢，那時候唔係時候讓我表達一切，如果對我失望嘅話，現在惡意留言嘅人對我嘅話感到抱歉嘅話，我會鄭重道歉。」

更多韓流，喺晒《娛果》
http://fb.com/appledailyent