【儲歌出碟】Blaster新歌暗諷現今政府敷衍大家 直認在港做音樂難生存
蘋果日報 2019/10/29 16:53
steveBlaster何展睿
（攝影：羅慧敏）- 何展睿爆關心妍的歌曲最難唱
樂隊Blaster今日在商台宣傳新歌《嗄嘻呵唏》，他們透露創作靈感來自主音阿軒在琴行上班時，看到上司被行政部門「Hea爆」方法「嗄嘻呵唏」了事，更暗諷現今政府敷衍大家的行為。Blaster自爆曾被音樂人hea過，他們說：「有次同一個好耐冇見嘅朋友碰頭，大家好熱情咁吹水之際，佢突然俾朋友叫走咗，臨走前叫我哋打畀佢約飲茶，但我哋事後諗返，我哋根本冇對方電話，好搞笑！」
而Blaster五子又謂希望明年初能推出第二首派台歌，亦正努力儲歌出碟，他們直認在港做音樂難生存，幸好他們也有教音樂的正職，支持各人的音樂夢。提到開騷，他們直認未有打算，他們笑說：「到時大家可唔可以出街都成問題啦！哈哈！」
另外，樂壇新人何展睿（Steve）今天亦在商台宣傳新歌《一個人快樂》，歌曲意指不要糾纏在一段感情上，並要學會放手，他說：「其實首歌都係我的親身經歷嘅故事，因為我都試過被一段情糾纏了一、兩年。」他透露稍後會與其他歌手開音樂會，目的是要發放正能量，他說：「預計明年初，會同合作過嘅中小學生同老人院長者，舉行一個老中青演唱會。而我最希望同關心妍（Jade）、傅佩嘉同馬小靈合唱，小靈喺我出道至今都好幫我，係義無反顧嘅。其實我相識嘅多數係女歌手，因為自己入行前也主力『女歌男唱』，想更有突破。」而他更爆關心妍的歌曲最難唱，最記得一次自彈自唱Jade嘅歌曲，因換氣問題而險釀「意外」。
採訪、攝影：羅慧敏