【區選光復香港●筲箕灣、天恒】曾撐港獨傘兵 再戰工聯會「醬爆」
工聯會港獨醬爆傘兵雨傘運動貓紙梁詠詩陸頌雄王百羽
2014年雨傘運動後,一班年輕人政治覺醒,「傘落社區」參與2015年的區議會選舉,惟多人落選。4年過去,有人淡出政壇,亦有人深耕社區,地區組織筲箕灣民生關注組的梁詠詩及天水圍民生關注平台的王百羽在強勁的政治風潮下,擬在區選捲土重來,後者會再度挑戰工聯會「醬爆哥」陸頌雄。上屆在傘運的大勢下落敗,令他們明白就算有反送中的政治大氣候,也未必能夠轉化為選票,惟有紮實地區工作才是出路。
上屆在東區筲箕灣選區僅以15票落敗的梁詠詩,過去4年留守服務地區,每月出版地區報《貓紙》,由小店執笠、新店開張到譚公誕等都會提及。梁指,參與地區服務並非為選舉,只為自己成長的地方盡力:「落唔落敗無咩所謂,只不過係街坊心態,有啲嘢做到可以做吓,只不過上屆出咗嚟參選,好多街坊有事都會通知我,不知不覺就行埋4年。」她指,參與地區服務源於對筲箕灣的感情,過去34年未有離開筲箕灣,即使婚後亦在筲箕灣居住,「好難抽身走,(地區服務)好似生活一部份,刷牙洗面咁,不自覺就做埋」。
梁坦言4年前參選的決定「衝動」,在未有社區服務的基礎下,以為單靠「反自動當選」旗幟就可當選,但過去多年的地區服務反而令她拋開勝負,「當係一個義工、一個街坊嘅心態係會好輕鬆,叫住自己用輕鬆嘅心情一直做落去」。上屆因為新青年聯盟潘詠妍鎅票,令梁以些微差距敗予對手民建聯林心廉。她不認為為反修例風波下自己勝券在握,「好多人可能覺得而家社會發生嘅事會左右到(選舉結果),但係我覺得係未必,始終地區工作要紮實,要落街見人,同街坊之間有互動同溝通,先係最緊要」。
由香港最東邊走到香港的大西北,同樣有人打算在今屆區選再接再厲。28歲的王百羽上屆在元朗區天恒選區挑戰工聯會陸頌雄,陸當時取得2,749票,王則以1,317票落敗,另外獨立的當區居民張國棟則有846票。自言是本土派的王百羽曾經一度因為DQ事件等對政治失落,但街坊的支持令他重拾地區工作的動力:「最記得係有個媽媽同我講:『你加油呀,下屆繼續努力。』令我又激動又感動,都令到我對自己有個承諾,嚟緊要繼續喺天恒出選。」王百羽稱陸頌雄成為立法會議員後,忽略地區工作和街坊需要,街坊踢走陸的決心越來越大,「街坊想有一個人出嚟,去贏(陸),都係我考慮參選嘅原因」。
王百羽明白政治氣候未必能轉化為選票,他有獨特的地區工作模式,「以往做街站你會見到人朝早又出現,夜晚又出現,但我哋發覺天水圍更多係後生,可能會早出晚歸,我哋就逆其道而行,夜晚九點十點先開站,開到凌晨一點先完,可以見多啲後生街坊」。新派的地區服務似乎奏效,根據選舉事務處早前公佈的選民登記冊數字,天恒選區的新增選民有13,920人,冠絕元朗區,集中在21至30歲的有4,429人。王相信選民人數反映天水圍北的居民已經政治覺醒,主動以自己力量關心社區,用選票踢走保皇黨。
王百羽曾經在參選區議會和立法會選舉時公開表明支持香港獨立,雖然他在2016年的選委會選舉成功入閘,但亦難保今次區選不會被DQ。王指,不會因為擔心被DQ而放棄地區服務,批評白色恐怖由2016年延伸至今,「而家着黑色衫又要驚,戴口罩又要驚,我調返轉諗,大家係咪應該正面面對啲白色恐怖呢?如果政府因為政治立場而唔畀我參選,市民都要去諗,存在一個篩選嘅選舉,仲係唔係一個選舉呢?」
●東區筲箕灣
民建聯/林心廉(1,444票)
傘兵/梁詠詩(1,429票)
假傘兵/潘詠妍(107票)
●元朗天恒
工聯會/陸頌雄(2,749票)
傘兵/王百羽(1,317票)
獨立/張國棟(846票)
-----------------------------
日期:2019年9月15日
時間:下午3時起步
起點:銅鑼灣東角道
終點:遮打道行人專用區
*獲反對通知書,民陣上訴中
-----------------------------
【撐學生】
召集有心人 撐學生全年睇《蘋果》
立即按此 -----------------------------
《囚牢之疆》 專頁
揭開集中營邪惡面紗
今日新疆 明日香港
王百羽擬戰的元朗天恒選區今年新增1.3萬選民,21歲至30歲達4429人,王相信選民已有政治醒覺,欲以選票踢走保皇黨。李家皓攝
王百羽曾經公開支持港獨,他指不會因有可能被DQ而放棄服務地區。李家皓攝
梁詠詩34年來生活離不開筲箕灣,即使婚後亦於筲箕灣居住。何頴賢攝
區選撞上反送中浪潮,梁詠詩強調政治氣候未必太影響選情,最重要仍是扎根地區服務。何頴賢攝