由蔣志光、向海嵐、林穎彤(Bella)及天堂鳥BOP等主演嘅音樂劇《我和青天有個秘密》，今日喺鑽石山舉行宣傳活動。蔣志光於劇中飾演年輕包青天，而林穎彤則扮演外星人。《我》劇將於8月18日至9月17日，於新光大劇場上演，暫定40場。

蔣志光首次參演歌舞劇，佢話唔太適應唱歌後講對白，佢話：「唱完歌再即刻調整把聲講對白，都幾高難度，要做40場，我驚失聲。同埋我扮包青天要油黑塊面，點知好難洗，洗極都仲係黑色，因為劇情講中途由白變黑，到時仲要做日夜場。」

Bella於戲中飾演一名外星人，Bella話：「第一次做音樂劇，飾演外星人，外表似鬼妹幾得意，造型有兩個頭咁大嘅假髮，會着裙心口有少少性感。」Bella今日首度演唱劇中歌曲，佢話非常緊張。對於同容天佑分手後，是否冇感情包伏投入工作，Bella話：「幾好，可以全情投入，o依家冇聯絡，見到面都會打招呼。」