彭博早前三幅圖講晒，香港回歸20年，已經被中資接管，華爾街？一早就Sayonara啦！ 香港事事同大陸睇齊，政治上中央直接介入香港事務，逢事必過問，經濟上中資亦逐步接管社會各行各業，由天價投地、併購港資企業、接管各類型基建工程etc，邊到冇中資身影呢？

中資今時今日已經佔咗香港股市半壁江山，恒指成分股更加大部分係大陸國企，不過，港股仍然「自由開放」，外資持股下，港股估值長期低殘，係過去10年有波幅，冇升幅，長期浮浮沉沉。

不過，大媽最愛引人注意，如同鍾意係公眾場合大跳廣場舞，大媽們就係有一舖「睇我啦！睇我啦！黎睇盡我啦」嘅博出位心態，外資以往覺得港股值幾錢就幾錢，冇價講，所以股市長期低企橫行，自從大媽出手染指港股，錯錯錯，大媽話：「我看得中的都是最好de」， 睇下長汽（2333），摩通唱淡兼叫大家「減持」，大媽話：「我看得中的都是最好de」，北水就同你長期湧入，長汽幾有支持。

咁睇，大媽真金白銀同你買上去對賭，咁你話長遠個股市會升定跌？美圖秀秀（1357）、IGG（799）等等已經話左結果俾你聽。港股通唔驚唔覺已經流入超過5000億，係大媽話事之下，港股應該會來個價值重估，追返之前被低估嘅價值。股災？等大媽炒爆先講。

咩路
Fb.com/whichroad

掌握財經生活資訊，即Like「蘋果ATM」fb專頁啦！
http://fb.com/appledailyatm