由立法會議員助理變區議員，由幕後走到幕前，陳嘉琳的身份角色轉變了，29歲的她在家中集萬千寵愛在一身；走出家門，未來4年出任「西貢離島」選區區議員，希望帶來更多轉變，「以往得一個聲音，大家無辦法去講，但現在有一個新人，佢哋終於可以發表意見。」

記者：金敏琍
攝影：麥超億 徐雲庭

從參選到當選，陳嘉琳經常與所屬地區組織「西貢鄉民」的梁衍忻如孖妹般出現，最終孖妹同時當選，相比梁之青澀，陳的人生經驗豐富。曾到德國留學，做過NGO及立法會議員朱凱迪的議員助理，練就熟練交際手腕，對未來亦有清晰藍圖。「新上任頭幾個月係要同社區唔同持份者有個交流先，打個招呼......至於西貢交通問題，會先跟進西貢公路擴闊最新情況；至於地區工程方面，如居民投訴邊度要整路燈、邊條道路要擴闊等問題，要立即向區議會反映，否則4年後工程都仲未開始。」

在西貢做區議員，除跟村佬打交道，更要顧及不同聲音意見，她深明這個道理。「會做咗功課先同佢哋（村佬）打招呼，否則唔係咁禮貌.......西貢其實好多元，有好多唔同人，包括原居民、漁民、外來租客。租客中有非華人，而非華人之中又有好多唔同膚色人種。」

陳嘉琳一直關注郊野公園發展，認為其所屬的西貢離島區有潛力成為香港一個走得最前的永續鄉村。

被問到上任後有甚麼最擔心，她說最怕跌入林鄭的「圈套」，「林鄭到現在仍未祝賀當選區議員，可想而知佢未來都唔會對區議員有幾好面色，我最擔心佢cut區議會budget，地區工程做唔到，好易跌入『區議員無做嘢圈套』。」

今屆區選泛民大勝，輿論與選民期望從那刻不斷推着她走，「我連坐低思考時間都無，大家已經好緊張想你快啲做嘢，事實上，民主派議員之間都有某種意義及程度上競爭，你會望住其他區，呢個區出咗份聲明，你會覺得好似即刻要做啲嘢」。
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568