被視為科幻神劇的《黑鏡》第四季昨日開播,劇集一向以科技禍害作主題,共6集以獨立故事方式呈現。當然今季話題都落在《天使方舟》(Arkangel)一集,因為它由金像影后茱迪科士打(Jodie Foster)執導,描述科技點樣危害一段母女關係。故事講述一個媽媽於女兒身上安裝偵測儀器,原意係以免佢走失,但儀器同時具監控鏡頭、過濾血腥暴力畫面功能,變相成為控制女兒工具。到女兒漸長,發現對血腥暴力事情全無概念,到佢一旦開始接觸,就對性、毒品等事有強烈慾望,變相成為害咗個女。作品雖然講監控問題,但最根本想探討嘅其實係作為母親應點樣拿捏愛錫同控制間嘅平衡,如果好似劇中母親一樣失衡,反而養成咗個兒對母親嘅仇恨。如茱迪科士打受訪時所指,自己都係兩子之母,因此劇集主題其實係探討親子關係。