《哈利波特》（HarryPotter）電影系列雖然已經曲終人散，但三位主角仍然於影圈搵食，當中扮演「榮恩」嘅英國男星路柏格連特（RupertGrint），不知不覺已經27歲，佢最近就飛咗去波蘭克拉科夫拍攝新作，但就被影到髮線嚴重後移，甩髮情況似乎好嚴重。

榮恩周二已於波蘭拍攝新戲，呢齣戲故事背景定於1907年，榮恩就扮到一身西裝骨骨嘅中古造型，同美劇《權力遊戲》（GameOfThrones）男星IwanRheon一齊拍攝，化妝部嘅工作人員，仲幫榮恩用條線紥實個頭，令個髮型定型唔冇走樣，但就搞到佢髮線後移嘅情況完全暴露人前，十分顯眼！