星期四特登調假走去睇《鐵拳群英匯》,睇K1成日聽到向柏榮師傅旁述「低掃腳」、「膝撞」、「組合拳」等專用名詞,今次現場親身體驗,向師傅果然堅勁!
第6場出戰嘅佢,第2回合1分38秒就TKO咗克羅地亞嘅席德夫,對手完全係捱打狀態;向師傅勝出後高呼:「我愛我老婆!」場面感動。現場所見,除咗吳浩康班徒弟仔着住「榮拳館」件tee外,陳小春、彭敬慈同陳國坤都係座上客。
不過我偶像係K1界嘅哈利,雖然唔同磅數,都好想佢嚟香港同向師傅打番場就正咯!周六一面倒嘅賽事,些路廸囉!
讓球主客和:些路廸勝[-1]
心得:馬瑟韋爾唔同磅數
近5場往績:LLLWW
畢傑
就算朗拿度點沉淪,我依然最愛呢個死肥仔;聖西路小天地唔啱你,請過祖記。