胡定欣今日喺微博同ig都有貼相，話有個好重要約會……其實都係宣傳嚟，佢係想叫fans睇佢做主角嘅《宮心計2深宮計》。

不過有時唔係話呼籲兩句，你就真係睇得到㗎。原本《深宮計》話明係同大陸網站騰訊合作同步播，點知有大陸網民就投訴，等到第一集播完都仲未有得睇，有人甚至話為咗套劇俾錢做會員，點知就願望落空，甚至留言話：「迫我開了翡翠台直播，體驗並不好。騰訊你這是怎麼了？」 ​

有人估計騰訊冇得播，可能係未交齊文件過唔到審批，但其實之前范冰冰主演嘅《巴清傳》，就曾傳出歪曲歷史，服飾甚至照搬平安時代造型而過唔到審批嘅事件。（新聞連結： https://bit.ly/2kfssyu ）

無綫節目及製作副總經理杜之克今晚出席節目首播活動時都有講番，拎審批嘅時間比預期長咗啲，不過佢話唔熟悉大陸運作，唔知暫時預到啲咩阻礙。