現年23歲嘅金智媛近日憑熱播劇《太陽的後裔》而人氣急升，韓網今日就翻炒金智媛跟韓劇《請回答1994》31歲男星劉延錫嘅傳聞，指二人已經暗撻四年，上月29日二人就喺首爾江南約會，佢哋更絲毫唔介意旁人目光，互相夾菜畀對方，非常甜蜜！

其實金智媛跟劉延錫去年已經爆出過緋聞，當時韓國雜誌《WomenSense》爆料，指劉延錫跟金智媛於2012年因合作電影《恐怖故事》而結識，之後發展成為戀人，雙方更已見過家長，而劉延錫跟金智媛又會結伴出席朋友嘅聚會。

不過劉延錫跟金智媛同屬嘅KingKong事務所今日就依舊否認戀情，表示：「兩人只係非常親密嘅好友，絕對唔係戀人關係，平時嘅聚會中，同場仲有經理人及工作人員。」