黎智英還柙前受訪 撐港青移民理所當然 自己願留守：香港有事點可以走呢？
蘋果日報 2020/12/04 02:22
黎智英國安法梁家權
黎智英指，自己不會離開香港，因在這裏的得着遠比犧牲多，「（香港）突然有事點可以走呢？」
《蘋果日報》創辦人黎智英本周二（1日）接受資深傳媒人梁家權錄影訪問時提到，因為「港版國安法」落實，才會向左報提告誹謗。他又認為年輕人移民理所當然，不應干預別人離開香港的自由，但自己不會離開香港，在這裏的得着遠比犧牲多，「（香港）突然有事點可以走呢？」
黎智英認為，年輕人移民理所當然，不應干預別人離開香港的自由。
梁家權今午在Facebook透露，本來提議周四（3日）才拍攝訪問，但黎說周三（2日）要去警署報到，怕今日未必做到錄影，果然一語成讖。梁感慨指「失去自由，他似早有預感？」並上載以「自由推銷員」為題的黎智英訪問。黎在片段中指，自己89年因為六四開始與政治沾邊，當時40歲又「搵到錢」，如果做傳媒等於傳送資訊，資訊即是自由，「咁後生如果可以投身（傳媒）事業係好有意義」。
黎智英（左）在片段中指，自己89年因為六四開始與政治沾邊，當時40歲又「搵到錢」，如果做傳媒等於傳送資訊，資訊即是自由，「咁後生如果可以投身（傳媒）事業係好有意義」。梁家權訪問截圖
稱做傳媒為求有意義 「係為我自己」
可惜局勢發展是中國自由變得越來越緊、越來越獨裁，但他不覺自己入錯行，也從來非故意為香港爭取民主，「如果一個人做自己覺得有意義嘅嘢，你個人生就有咗意義；如果我淨係做生意，我搵錢，我有咩意義啫？悶到抽筋。錢搵夠就算」。他亦指，是香港的自由社會，令自己獲得好多好處，從無想過要為社會做一件事或有使命感，強調做傳媒只是為了有意義，「係為我自己」。
對於經常被建制陣營批評他勾結外國勢力、是漢奸，他稱從不在意，認為對方說外國勢力，應擺出事實，「呢啲形容詞任你講，對我嚟講唔緊要，你做乜嘢有立場，一定有人攻擊你，如果人哋攻擊你就怕，咩都唔使做啦！」他又指如果沒有「港版國安法」，根本不會控告左報誹謗，原因是如果左報誹謗完他但無後果，「《國安法》將來做證據，我咪大鑊？如果我唔做（告），咪俾你屈我？」
黎智英強調做傳媒只是為了有意義，「係為我自己」。梁家權訪問截圖
堅持留港參與民主運動
黎智英來港60年，由窮小子打拼致富，他說以前香港人無論多潦倒，仍有自由氣氛和環境給予機會大家力爭上游，「依家有錢都好，你個氣氛好窒息，你感覺唔到（有）機會、前途」。對未來香港的想像，他認為除非有奇蹟，「香港就冇咗嘞」，因學校教育、司法、議會、街頭抗爭全面失守，「壹傳媒有幾耐維持落去又唔知」。他亦覺得年輕人移民理所當然，「留低抗爭為香港自由爭取，你可以希望人咁做，但唔可以要求人咁做，人哋嘅生命、自由嚟㗎嘛，細路仔成世人，要移民係理所當然。我自己有冇犧牲嗰啲係小事，我所得嘅係多好多」。他指自己不會離開香港，一直參與民主運動，「（香港）突然有事點可以走呢？」
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！