棄醫從政後，相信食物及衞生局局長高永文已經冇幫人診症，但今日晏晝佢卻重操故業，咪以為佢頂唔順狼英而跳船，佢只係應邀到馬場出席今年以「醫藥衞生」為主題嘅社群盃活動，裝模作樣為馬會主席施文信量血壓。

雖然已經冇行醫好耐，但現場人士話民望高嘅量血壓技巧、尤其用傳統泵氣血壓計時仍然好熟手。至於施主席血壓點？睇佢笑口噬噬咁好氣色，就知一定唔曳！好多醫護界猛人如梁智鴻、胡定旭、梁智仁、周一嶽同梁卓偉，噚日都有去撐場。

棄醫從政嘅高永文（右）重操故業，為馬會主席施文信量血壓。