中國人好多其實都好「信邪」，由細路開始，阿媽教落見到嬰兒，一定千祈唔好話佢好肥、好靚，一定要講好瘦、好醜怪，皆因怕他們小氣。

在馬圈，其實好多時候都出現此情況，例如在沙圈，當馬主的親朋戚友說要影相時，練馬師們都會打趣說，等多一陣先影，即是說影頭馬相先啦！

除了唔好咁早影定相之外，還有就是當大舉出擊之日，當問起練馬師時，大都會說「Ok la Ok la」，雖然心中會想，「贏兩場我都唔滿意呀！」

當然，練馬師實在冇義務講給你聽馬房的出擊大計；其次賭馬是偏門，往往真的是越張揚越失望，低調點絕對正確。今次賽前看報名表，出馬多的包括蘇偉賢，不過很多場是騎師錦標賽關口，多少要看檔位及騎師，結果大都是好檔又有好騎師，看來是如虎添翼。

例牌問吓蘇偉賢機會，他又一如以往搏殺時「審慎」的口氣回答：「其實評分差不多，但有好騎師及檔位，一定會盡力！」

這樣的答案便是審慎樂觀了，記得之前筆者喜歡「好叻仔」時，他的說法也一樣，結果馬兒飛到馬到。「霽月高風」有一檔、有莫雅有賠率，值得捧場。暫時所見，今季的蘇偉賢頭馬數字不算太突出，鬥志不容置疑。

另外「理想回報」的馬主嚴顯強倒是非「審慎樂觀」，而是真正樂觀。谷草C跑道1200米一檔上名率高，不過對牠上賽表現筆者是有點失望，但馬主則指出：「上場跟得太急了，相信今次不會這樣的。雖然在我心目中牠應該跑長些！」

那麼如果今次唔得下次加程？嚴顯強說：「我會交給沈集成部署了，做馬主不要太多意見，反正是玩樂而已！」