Alley當年簽約主要是為了供養家人,「啱啱遇着我爸爸負債走佬,我細佬就要去台灣讀書,所以我都好快簽咗(合約)。覺得冇乜嘢可以輸,咪當一份工咁去打。」退出娛圈,對她而言是卸下重擔,出道首兩年壓力極大,每日面對負評,以淚洗面,不時要見輔導,「最初一兩年驚俾人哋認到,Freeze呀,嗰個咪Freeze囉!整容嗰個呀!再造人呀!」
在鎂光燈下度過4年,Alley表示無悔,「𠵱家睇返就幾好,一個經歷囉,係一個特別嘅經歷。我嗰陣時都有回想,如果我當時冇做(藝人),可能我會嫁咗人,好早就嫁咗人。」在舖頭有時也會有客人認出她是藝人,但她從不自揭底牌,因為不做藝人,反而樂得清靜。
■記者劉卓瑩