一班賽編在頭場舉行，真係唔知有冇試過！由於今期一班1200米草地賽只得四駒報名，為免影響整體投注額，故成為今日（10日）沙田日馬頭場賽事，最終戰果十分正路，高伯新馬房、蘇兆輝操刀的「有理共想」大熱輕勝，單Win派18.5元。

贏過灰獸「旺蝦王」的五歲澳洲自購新馬「有理共想」，今季進步驚人，連仗有好表現，今次在四匹馬場合沿途守第2位，臨尾一攻而破，輕勝次熱門「激賞」1.25馬位，1.8倍冇令馬迷失望。而向來支持「有理共想」的老牌藝人胡楓，又有出現拉頭馬。

連同今仗「有理共想」季內已獲四冠兩季佳績，累積六Win獎金逾920萬，評分料會升至118、119分左右，估計已合資格角逐3月30日杜拜世界盃賽馬日阿喬斯短途錦標（草地1200米直路一級賽）。

剛周三（6日）晚蘇兆輝第四場策「得先生」出賽後，下背部軟組織受損，感到疼痛，因而退下火線餘下座騎換人，稍事休息後今日即贏「有理共想」，果然硬淨。

第一場第一至第四名依次為「有理共想」、「激賞」、「旌暉」及「勝得威」。今場只得獨贏、頭兩名位置派彩、連贏及三重彩彩池。

-------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-------------------------
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef