韓片《與神同行》被視為韓國今年年底壓軸巨片，電影斥資400億韓圜（約2億8,694萬港元）製作費，打破《屍殺列車》同《軍艦島》嘅紀錄，當中用了大量特技及CG效果打造7個地獄，並花咗6年時間去製作，當中包括5年時間籌備，10個月時間進行拍攝，製作十分認真。

為咗將人死後嘅世界完美呈現給觀眾，金容華導演同埋團隊都花盡唔少心思，並刻意將現實世界嘅元素融入死後世界內，並以7種自然元素包括水、火、空氣、冰、沙、鐵及鏡來創造地獄世界，務求震撼觀眾嘅心靈。

而電影將會分為兩部推出，當中第一部已於大前日喺韓國開畫，第二部預算喺明年夏天上映，香港則於下月11號上映，電影拍攝時期長達10個月，拍攝期間十分保密，令外界事前難以窺探內容。

電影改編自韓國漫畫家周浩旻所繪嘅同名漫畫，講述車太鉉飾演嘅正直消防員因勇救小孩而身亡，死後被帶到地獄。因為車太鉉被歸納為正義靈魂，所以佢可以喺49日內於7個不同嘅地獄接受審判才能投胎轉世。

而喺地獄上，車太鉉就遇到河正宇、朱智勛及金香起飾演嘅地獄使者，佢哋對車太鉉進行各式各樣嘅試鍊，到底車太鉉最終係唔係能夠成功轉世？而李政宰就為電影特別出演閻羅王一角。

更多韓流，喺晒《娛果》
http://fb.com/appledailyent