當年今日

中環在線:玖龍董事長唔做彩雀 - 李華華

蘋果日報 2016/12/08 00:00


玖龍紙業(2689)董事長張茵向來鍾意打扮得靚靚先見記者,每次都着到大紅大綠成隻彩雀咁。但佢噚日來港出席股東會,就選擇咗一條黑白配花紋連身裙,戴一對鑽石耳環同一隻玉鐲,仲簡單化個淡妝,唔似以往兩塊面多數紅卜卜。
聽張茵講,呢排佢周身忙,前幾日去咗美國出差,返嚟唔夠一日,又要準備開股東會。雖然望落有些少疲態,但張茵都一如以往咁笑容滿臉,唔通係因為今次出差有乜收獲,所以個人都特別開心?
empty
張茵以往一向都鍾意着鮮色衫亮相。 資料圖片