連詩雅（Shiga）噚晚喺銅鑼灣出席Cruciani手繩活動，Shiga表示自從睇過韓劇《來自星星的你》之後，就愛上手繩。

問佢平時有冇同男友戴情侶飾物？Shiga表示：「以前諗過着情侶衫，但情侶飾物就冇特別要去做，我覺得DIY比較有意思，以前拍拖時試過整，不過整得唔靚。」

另外，Shiga同門師兄周柏豪日前完成紅館個唱夢，佢話與老闆鄒世龍夫婦睇到好感動：「我哋三個睇到一齊攬住，我都想好似師兄咁，喺紅館開演唱會，不過暫時先要訓練多啲，我睇佢嘅騷內容好豐富，舞台好高，而我首先要克服畏高先。」