吳千語、王喜及謝雪心等喺灣仔君悅酒店，出席一慈善晚宴活動。

吳千語早前被爆跟林峯去日本旅行時，兩人零交流(新聞連結： http://bit.ly/2fiIbN5 )，佢接受訪問時笑言：「喺嗰一刻啫，同埋日日都見，乜嘢都講完啦。日日都有食所以肥咗1公斤。」佢又自爆目前體重為46、7公斤，因為每日都要食兩個晚餐，而林峯只係睇佢食。

下月頭係林峯生日，千語透露要喺北京開工，而林峯亦喺大陸趕劇，呢個日本之旅當係慶祝咗，禮物亦一早已經送。

林峯近日喺大陸橫店拍戲，要剃頭演出，千語表示唔擔心男友頭髮生唔番。被追問婚期時，佢明言時間尚早，過多5、6年先諗，女仔30歲結婚都未遲。

另外，王喜製作嘅遊戲節目《喜樂無窮。塞班島》已完成，目前忙於剪輯唔同版本，佢笑稱未有豬籠入水，因為人民幣兌換價只有1兌1，但承認係好好嘅學習。佢透露節目中啲女仔好幫手，都肯着比堅尼出來宣傳，佢又話為免虐待大家，所以決定唔會著泳褲示人。