食字部:開P嘆茶 豆丁做點心

蘋果日報 2012/12/10 00:00


港式茶樓點心,靠的可是一雙巧手,不過市面一般小店式經營,靠的卻是工場貨。周六剛開業的「黃師傅」點心店,主理人黃健欽師傅是前美心集團中菜行政副總廚,四十餘年製作點心經驗,化身小館子的經營,創新的中茶生日會,即場教小朋友做點心,是不一樣的港茶!
記者:朱崇德 攝影:楊錦文 模特兒:Hugo、可盈
empty
empty
門口有外賣小食部,專出盅飯及包點。
empty
這裏做街坊生意,要新鮮亦要大件夾抵食!
玻璃大廚房做點心
走入「黃師傅」,小舖40、50座,但用了半間館子做廚房,心想:「咁嘥位?」看着看着,平常如蝦餃燒賣有餡腸粉,是在玻璃窗、半開放式廚房中一件一件用心製作,這才感覺到有點不同!
黃師傅:「四十多年前入行,一開始就學做點心,看着許多許多的創作,為後輩所承習,自己都有一份自豪感!」不講不知,如筷子的長春卷就是出自他手,棉花白兔也是他的得意創作,友人贈予的牌匾是「師傅出馬」及「卧虎藏龍」,當真是不無原因!
食巧手點心之餘,也想在師傅身上學得一招半式?「其實這裏可以Book場搞生日會!」簡單收費,20人起,大人收費$200、小童$100,除有點心Buffet外,還有小朋友學做點心環節!馬上請來Hugo及可盈試玩初班,為大家開點心生日會前鋪路!
empty
蜜味即切叉燒腸$17
即叫即做,腸粉皮爽滑,但多帶幾分煙韌,個人來說是接受的,但豉油稍稍偏甜,唔建議多落。
empty
原盅鹹魚肉片飯$19
將多春魚以鹹魚仔的方法醃成,入口多了份新鮮的甘香感,肉片是不太肥的豬頸肉,飯粒清爽唔多油,是這裏的極品!
empty
小北雞球大包$18
小北,意即製法是參照廣州聞名的北苑酒樓,與蒸籠等大。餡料是雞、蛋、叉燒、冬菇等豐富用料,簡直可當飯吃!
empty
黑芝麻擂沙包$12/兩個
麵包皮較厚,卻帶點饅頭式煙韌,內裏的黑芝麻擂沙,是自己廚房出品,粗粗細細、芝麻香味特別出。
empty
鮑魚燒賣$16/隻
普通燒賣上加了罐頭小鮑魚,夠晒矜貴。燒賣非常新鮮彈牙,鮑魚仔完全無罐頭味,唔講我以為是鮮口貨色。
empty
鱟魚餃$8/隻
以蝦膠、蟹肉為主要餡料,特意加雜菜粒以增色澤,鱟魚形維肖維妙。須早一日預訂。
empty
斗門鮮蝦餃$28
蝦餃皮嫩薄,特意等半個鐘先食,一夾起,餃皮無爆,餡無跌,好功夫!
empty
馬拉糕$13
麵粉香味濃郁,雖稍嫌不夠鬆軟,但因使用菜油,較健康。
學做點心達人
第一課:棉花小兔
君度棉花小兔其實是砂糖及魚膠打成,再加適量君度酒!「由於唧兔仔形要一定技術,所以我先做成白兔子形,俾小朋友剪耳畫樣!」
empty
可盈:「兔仔要剪耳啦!」
empty
Hugo:「偷食」
empty
可盈隻兔仔加個W嘴,靚晒!
第二課:杯仔燒賣
師傅話,由於時間關係,燒賣餡料一早已預備好,做法亦很簡單,先在燒賣皮中間放適量餡料,然後以食指拇指握成杯狀,即可!
empty
可盈:「原來生皮唔食得,仲有陣怪味!」
empty
(上)可盈、(下)Hugo
點解每人整五隻,但可盈那籠有六隻?原來佢偷了師傅一隻,話咁樣靚啲!
黃師傅(2361 0262)
地址:深水埗北河街104號地下