【本報訊】聖德肋撒醫院險割錯膽，病人互助組織聯盟副主席張德喜批評醫院疏忽。「無論公立定私家都好，都應該睇晒份報告，醫療人員應該用個心嚟工作。」張德喜對醫護人員粗心大意感到不滿，建議巿民做重大的醫療決定時，要尋求第二名專業人士的意見，今次個案的事主可向醫務委員會投訴。
有熟悉掃描部門的人士稱，一般工作量大的掃描部門均不是由醫生輸入掃描結果，「通常係個放射技師做完個影像，打晒針，做好晒啲相，然後就畀個放射科醫生寫報告，睇住片嚟錄音，書記好似默書咁默番出嚟，個醫生應該最後再睇一次先出。」今次事件相信錯手引致，不算罕見。