恃寵生驕日日咬家姐
我未成年：利嘉兒鬧媽咪八婆抵打

蘋果日報 2006/03/23 08:00

  • empty
    4歲　嗲媽咪
    「呢張相係喺屋企張床上面影，媽咪好錫我，我細個好鍾意玩公仔，去到邊攬到邊，又會同公仔扮靚靚。我嘅童年志願係做時裝設計師，嗰陣媽咪都好捨得花錢同我哋兩姊妹買衫扮靚㗎！大個之後我都好鍾意幫啲衫加番啲飾物配襯，咁樣着出嚟會特別啲，唔會撞款。」
    利嘉兒媽媽﹙左﹚
  • empty
    8歲　扮曼玉
    「有次跟學校去新界一啲老人院做義工，嗰度養咗好多狗，嗰次係我第一次正式接觸狗。最初好驚，後來發現啲狗仔好友善，又好可愛，之後就好鍾意狗喇。張相裏面嘅我將條馬尾紮咗去側邊，因為當時睇到張曼玉喺電視劇《新紮師兄》裏面都係咁嘅打扮，我咪照辦煮碗囉！」
  • empty
    16歲　迷哥哥
    「我一直當哥哥（張國榮）係超級偶像，有次喺朋友嘅私人派對上見到佢，我開心到暈，即刻攞部相機同哥哥影合照。後嚟我入咗娛樂圈，仲諗住可以再見吓哥哥，點知直至佢自殺都係冇緣見面。」
  • empty
    31歲　嫁老公
    雖然初戀無疾而終，不過現在的利嘉兒已覓得好歸宿。去年她與港台高層周國豐共諧連理。一對新人選在山頂太平山餐廳舉行婚禮，利嘉兒更大讚夫婿對她體貼入微，是一等一好老公。
    利嘉兒出生於小康之家，除父母之外，還有一個姊姊。由於利嘉兒酷似混血兒，加上是孻女，故甚得家人痛錫，還因此有恃無恐，變成家中小霸王。她笑說：「細個嗰陣我成日蝦家姐，一發嬲就係咁咬佢，有時咬到佢手臂損晒，但家姐都毫無怨言，又從來唔會向爹哋媽咪告狀。」直至五歲那年，利嘉兒開始懂事，就沒有再咬姊姊了。
    雖然這個小霸王橫行無忌，不過還是被媽媽收服了，利嘉兒笑說：「我唔知喺邊度學咗『八婆』兩個字，又知道呢兩個字係話女人嘅。有次同媽咪行街，我扭計要買煮飯仔玩具，佢點都唔肯買，我竟然衝口而出鬧佢『媽咪係八婆』，媽咪好嬲，平時佢唔捨得打我，結果嗰日一返到屋企即刻拎間尺打我手板，我就喊到死死吓。」
    升中學時，利嘉兒獲編派入讀一間男女校，當時媽媽曾命令她不准拍拖，可是中二那年利嘉兒還是偷偷與一名讀中三、品學兼優的師兄編織豆芽夢，她回憶說：「我有時會呃媽咪要留喺學校做project，然後同師兄去快餐店食下午茶。我哋最多只係拖吓手，不過我內心已經好有罪惡感。」後來因為師兄移居外地，這段puppylove亦無疾而終了。
    採訪：比華利
    部份相片提供：利嘉兒