金像影帝艾迪烈柏尼（EddieRedmayne）同太太HannahBagshawe去年12月15日拉埋天窗，喺剛剛渡過結婚周年之際，盛傳Hannah已懷有身孕，預產期係出年6月，艾迪將首為人父。

據英國《太陽報》報道，艾迪同Hannah對於迎接小生命來臨都好興奮，唔介意BB性別，並已經呢個消息告知家人同埋好友，相信正搵緊新居嘅二人，會喺英國揀選一個最適合BB嘅安樂窩。

噚日，佢哋夫婦二人已經由美國飛返家鄉英國準備過聖誕，而就Hannah有喜一事向艾迪求證，艾迪發言人就未有作出回應。