現年42歲嘅98年港姐季軍吳忻熹（前名吳文忻），6年前嫁畀有「南丫島王子」之稱嘅金融才俊陳劍陵，有個3歲大囡囡陳芊彤（Scarlet），前日忻熹再添一女，已改名陳施辰(Season)。

為咗趕及返屋企過新年，忻熹休息兩日，今日下午四時許由老公陪同下離開養和醫院。吳忻熹素顏，戴上cap帽及穿衛衣現身，身材明顯有點臃腫，但就好精神、步履輕盈。忻熹透露老公已經抱埋囡囡先上車，問到痛唔會？忻熹話﹕「唔會，今次經驗好好，因為係順產，身體狀態好好。」文熹話本來幫囡囡揀好時辰出世，但最後BB自己選擇早啲，由雞女變女，一家人都好開心。問會唔會再追仔？佢話﹕「唔會，夠喇！(細女似邊個？)好多人都話似家姐。(大女有冇妒忌？)冇呀，姐姐都好開心。」