唐貝詩﹑吳日言﹑可嵐﹑動漫Maggie李曼筠等，今午喺佐敦出席一間美容院開張活動，唐貝詩近年主力發展團購網生意，成功建立客戶群，今日就係幫美容院客戶，邀請藝人好友支持。

而可嵐就原來聖誕剪紙裝飾功夫甚有心得，仲同囝囝合力炮製星形裝飾，順便作親子交流，近期可嵐亦為新歌派台，忙於香港及內地宣傳，為咗呢張專輯，可嵐碌盡友情咭，搵到唔少老友幫手。

動漫Maggie李曼筠最近多了一個新花名，叫做「花膠控」！因為佢知道花膠營養豐富，有助皮膚白滑，所以前菜及其他食物，都鍾意加入花膠，佢又話發現近期皮膚轉差，內分泌失調搞到生粒粒，所以希望食多啲花膠，及勤做facial。