吳奇隆同劉詩詩早前因拍內地熱爆劇《步步驚心》系列擦出愛火花，兩人拍拖一年幾，上年喺北京領證結婚，亦於微博晒兩張結婚證同一對鑽戒(新聞連結： http://bit.ly/1ny99j6 )。

不過，二人一直未有舉辦婚宴，前日有一個自稱係從事婚紗攝影嘅人，喺微博貼出吳奇隆同劉詩詩身在新西蘭機場嘅相，吳奇隆一身黑衣、黑褲輕鬆打扮，而劉詩詩則著藍色T恤、戴黑框眼鏡，二人冇刻意遮住塊面。

據內地報道指劉詩詩經理人已證實，吳奇隆同劉詩詩係去新西蘭影婚紗相，由於吳奇隆同劉詩詩公佈戀情後一直保持低調，兩人上年都忙於工作，有傳今次吳奇隆一手包辦婚禮細節，令劉詩詩好驚喜，而對於生B問題順其自然，據悉婚宴安排喺3月舉行，而劉詩詩正日生日(3月10日)。