當年今日
關於我們

搵松坂桃李玩一夜情 戶田惠梨香演殘爆大肚婆

蘋果日報 2014/11/26 06:00

蘋果大肚婆即時松坂桃李戶田惠梨香

日本電影系列《死亡筆記》女星戶田惠梨香,當年以青春形象迷盡亞洲男fans,近年佢個樣明顯殘咗唔少,加上剪短頭髮,令佢睇起嚟更似師奶。

其實戶田現時只不過得26歲,佢今年夏天接拍新片《AprilFools》,就以殘爆形象挑戰患有驚恐症嘅大肚婆,而男主角松坂桃李就飾演擅長治療性癮嘅專科醫生。

故事交代戶田同松坂發生一夜情後,戶田發現意外懷孕,點知松坂0趙完鬆後,堅稱自己唔係經手人,仲約長腿女星菜菜緒扮演嘅空姐去餐廳撐枱腳,繼而引發出意想不到嘅鬧劇。

戶田同松坂會喺片中有床上戲,演員陣容都幾有睇頭,除咗有型男岡田將生、波霸小池榮子之外,仲有《半澤直樹》男星瀧藤賢一,映期都好配合片名,鐵定下年4月1日愚人節喺當地上映。