溫碧霞(Irene)在今個新春佳節,放棄與家人團聚的機會,決定赴美國登台賺外快,初二(十三日)起程,將在彼邦逗留一星期,與丈夫何祖光在美國度過情人節。
打牌過節
Irene日前說:「我平日都有見屋企人,就算新年冇見都冇所謂,其實我覺得平日都應該要錫屋企人,而唔係等到大時大節見一兩次面就係孝順囉!走之前我同屋企人、姪仔姪女食團年飯,因為屋企兄弟姊妹多,所以每次一家人聚埋一齊,起碼要開幾圍,幾十人好熱鬧。」
新年的最大娛樂莫過於打牌開賭局,Irene也不例外,她說:「平時我好少打牌,難得新年,梗係要打牌玩吓啦!」