中共喉舌報章《大公報》昨日（25日）頭版以「亂港頭目『謀着草』 路線曝光收費100萬」為題，並且刊登壹傳媒創辦人黎智英、香港眾志秘書長黃之鋒、支聯會主席李卓人及前香港民族黨召集人陳浩天的相片，指他們為「嫌疑人」，影射四人打算逃亡。被指控的人士相繼斥責《大公報》指控失實、抹黑，認為此舉是意圖製造恐慌，表示會繼續抗爭到底。

李卓人斥《大公報》的報道誹謗，認為此舉是意圖透過抹黑民主派人士以製造恐懼，「一方面想打擊我哋嘅公信力，然後就去製造恐懼」。李表示會繼續抗爭，亦已做好心理準備，「個人要作最壞打算，佢哋放馬過嚟，會為組織、支聯會各方面繼續企硬，同埋會繼續抗爭。」

過去《大公報》曾多次點名李卓人，但李指影射他們「着草」是第一次，「講到好似真嘅一樣，講埋個價目畀我哋聽，呢啲黨報而家係全方位去為國安法造勢，同埋去抹黑反對嘅人。」

陳浩天：共產黨想不費一兵一卒令你哋唔出聲

陳浩天直斥指控失實，「完全無啲咁嘅事，咁《大公》、《文匯》不嬲都唔係新聞嚟㗎啦，佢哋都唔係傳媒嚟，只係黨媒喉舌，甚至只係propaganda嘅宣傳機器，入面一定係有好多假嘅成份。」陳認為該篇報道是「靠嚇」，「因為共產黨想不費一兵一卒就令到你哋全部唔出聲，造個恐怖氣勢，而家係打緊心理戰，好似想話畀人知呢啲人都要走，想令大家驚晒，之後都唔出嚟。」

-----------------------------
蘋果25年系列ebook《讀果》上架：紀實現場 、世界前線 、逆權之路 、叱吒風雲 、守護真相
-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多