韓國女團少女時代嘅26歲成員徐玄近日正拍攝MBC電視台嘅周末劇《小偷傢伙，小偷大人》，雖然近日MBC電視台工會發動總罷工，但徐玄新劇劇組就冇參與今次罷工，所以劇集就唔受影響，可以如常進行拍攝中。

而徐玄亦不時喺Instagram上載新相谷新劇，今日佢上載多張新相，當中徐玄穿上婚紗，非常美艷動人，佢仲留言高呼「I'm getting married」，不過之後就直言係講笑，而照片中可見佢就正在進行新劇拍攝，唔少粉絲都留言大讚佢婚紗look好靚。