社交平台Facebook最近出現一股「移民潮」，不少用戶因Facebook霸權而決定將基地轉往其他平台。有網絡作家轉到新平台Medium，指Facebook利用其市場地位進行壟斷，又認為創作不應免費，相信「只要文章有質素，轉個媒介一樣有人欣賞」；有時事評論員則對Facebook的管理作風存疑，擔心日後發布的文章會被過濾，但Facebook最終因老化而逐漸被淘汰。

現時Facebook個人專頁逾1.8萬人追蹤的網絡作家史兄，早於10月已表明將文章改到新平台Medium發佈，而Facebook將會成為次要發布文章的渠道。被問到為何離開Facebook，他說：「Facebook做嘅嘢同無綫一樣乞人憎，用自己嘅市場地位去蝦蝦霸霸，例如不斷改algorithm迫你去賣廣告、個app越改越垃圾、回訊息一定要用messenger」。

他續指，「最離譜係我試過喺key lock嘅情況下同朋友傾嘢、或者用WhatsApp傾計，嗰個話題或公司，轉頭就喺Facebook以sponsor post出現。唔係偶然，係接二連三，亦唔係得我一個人遇到咁嘅情況」。不過，他認為Medium與Facebook兩者性質不同，難以比較，現階段Medium亦未能取替Facebook，「如果你鍾意文字，咪去多啲Medium睇你鍾意嘅嘢；你鍾意圖呀、片呀、朋友做緊乜，咪繼續Facebook或者IG」，但指太過依賴一個渠道去吸收和發放訊息亦非好事。

對於轉去Medium會否擔心失去讀者？史兄表示，相信只要文章有質素，轉個媒介一樣有人欣賞。同時，他希望藉Medium會員付費模式，為「睇文唔使錢」的文化帶來改變，又指「如果有0.1%機率可以令香港文字創作嘅人有合理嘅回報，而唔係靠一毫字都唔值嘅like and share，我都會去試，第一個去試」。他一直認為，「好嘅創作，文字、圖案、短片，唔可能，亦唔應該免費」。

另外，時事評論員黃世澤（Martin Oei）亦開始轉到Medium發表文章，指「依家係測試階段，睇下讀者反應」。他稱，由於Facebook仍是社交平台的龍頭，大部份讀者亦是來自Facebook，難以一下子完全轉到其他平台。不過，對於Facebook保障用戶和管理作風，他表示存疑，認為Facebook創辦人朱克伯格想將Facebook打入中國，用戶日後發表的內容可能會被過濾，甚至有機會被「供出資料」，但估計Facebook逐漸老化，最終被淘汰。

記者 張文鈴