【引渡惡法】勸港人勿移民棄城 黎智英籲周日上街護港:否則無地自容
逃犯條例細說中南海洗腦民陣中聯辦壹傳媒移民新疆何俊仁集中營黎智英
港府硬推《逃犯條例》修訂,引起極大爭議,民陣周日(9日)再發起反惡法遊行,希望港人團結一心「反送中」。壹傳媒創辦人黎智英出席民主黨前主席何俊仁主持的網台節目《細說中南海》時呼籲,無論「黃絲、藍絲」都應團結起來,反對修例,才對得住良心和良知,「如果嘥3個鐘頭,都唔出嚟保護香港,我哋係無面再見自己!」他形容周日的遊行「係最後一場仗,同中聯辦晒冷,就算失敗,都係光榮嘅失敗,因為我哋喺最黑暗嘅時候,為咗公義站起來,就值得我哋活落去。」觀眾可
按此 到《蘋果》果燃台,收看足本節目。
黎智英指,如今全港各界都聯署表態,反對修例,因今次條例修訂,是香港史上最嚴重,「一鑊熟架今次!」他強調香港人習慣在自由社會生活,有其國際視野和價值觀,沒有中國內地人的服從性,若修例獲通過,香港不但會變成內地一個城巿,政權為求「洗腦」,更可隨時將香港,變成第二個新疆集中營。
若不能叫停修例,黎指很多港人便要考慮移民,但如今只是用「3個鐘頭,換一生一世喺唔熟悉嘅國家過日子,咁你係咪要考慮行出嚟?」他舉例,如果有200萬人上街反對,無論個政府如何「狼死」,亦要考慮擱置。若港人寧看着香港淪陷,也不遊行發聲,黎直言,他們便要撫心自問,「香港咁多年你安安樂樂,咁多好日子,(只是)嘥幾個鐘頭為香港最後一役嘅鬥爭,都唔肯出嚟,你對自己都應該好失望。」他亦呼籲港人號召更多朋友,一起參加遊行。
日期:6月9日(日)
集合地點:維園草地
時間:下午2時30分集合、3時正起步
遊行路線:維園草地遊行至金鐘添美道立法會
-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
壹傳媒創辦人黎智英指,無論「黃絲、藍絲」都應團結起來,反對修例,才對得住良心和良知,「如果嘥3個鐘頭,都唔出嚟保護香港,我哋係無面再見自己!」《蘋果》製圖